কবিতার নাম “কাঙ্গাল মুই” – কবি রোহিত বর্মন।


কাঙ্গাল মুই

📝রোহিত বর্মন
কবি মুই কাঙ্গাল!
ক্ষ্যাপা ধনি নাল।
মানষির আইসে নাই এলাং চেতন!
আরো আইসে নাই এলাং হুস।
মুই কাঙ্গাল!
জানিস না তুই ,
কেনে কাঙ্গাল মুই!
মোর চিকরন শুনি না আইসে কাউ,
মুই গালা ফাটিয়া চিকরু তাউ!
চোখের আগালত ঘুরে মানষি
পাছ ফিরি তাং দেখে
না হুটা কোন মানষি।
মুই মোর ভাষার কাঙ্গাল!
মুই মোর জাতির কাঙ্গাল!
মুই মোর সংস্কৃতির কাঙ্গাল!
মুই মোর মাওয়ের কাঙ্গাল!
মুই কবি কাঙ্গাল!!
আকাশের তারা করে নিবু টিপু
আকাশের তারার মতো মুই ও,
অসীম মানষির ভিতরত নিবু টিপু।
মুই কাঙ্গাল!
মাওয়ের ভাষাত কাথা কবার!
মুই কাঙ্গাল!
মাওয়ের কোলাত বসি রবার!
ওই অসীম ভিরের ভিতরত
আসিম মুই কাঙ্গাল রূপে।
আসিয়া দেখিম আর শুনিম
ধন্য হুইম তোমার গুনে।


Facebook Comments

One comment

  1. এ্য ইমতন যুক্তির যোদ্ধা তমার পতিবাদের
    তরোয়াল খানক জং ধরিবার নাদ্যান আগান আগেয়া যাও বাজাও দোতরা বাজাও মহা ঢোল তমাক দ্যাখিয়া সাহাস করিয়া আসিবে ম্যালা অঘুন জুইমাখা গাবুর উমুরাও আসিবে বুক চেতিয়া করিবে হল্লাবোল হল্লাবোল হল্লাবোল । চাইরোপাখে বাজুক মাদোল।
    ———আন্ধারু ঝড়ু

Leave a Reply / Comment / Feedback