রাজবংশী/কামতাপুরী ভাষা কবিতা :’ বুড়া বয়স’

Posted by

বুড়া বয়স

রোহিত বর্মন

জীবনে এমন দশা মোর, কাক খুলিয়া কং।

সুখ দুঃখের কথা মুই,কাংকে কবার না পাং

বেটা করে চাকরি মোর,,

বউ করে দাদা গিরি,,

মুই করং কৃষি কাম,

সম্মান নাই মোর।

হাট গেলে কয় মোক তুই,

বাড়িত মাইয়া কয় তোমা।।

দুপরি রোদত খাটিয়া মোরং মুই,

সন মাষিয়াঝরিত ভিজিয়া আসিল জ্বর।

বেটা না করে উদিস মোর,,

বেটি না কয় কথা।।

কি অপরাধ করলুং মুই,,

এমাক জন্মো দিয়া।।

হাট গেলুং বাজার গেলুং,

গেলুং আরো কোটে।।

কাং পোছিল না কেমন

আছিস চাষি ভাই রে।।

দুপরি রোদত কাটং ধান,

ধানের ভাত মুই এ খাবার না পাং।

সন মাষিয়া দেওয়া, হাল ধরিয়া যাং।

ভুইন কাদো করিয়া আসিয়া মুই,

খালি ভাত খাং।

বেটা বেটির কান্ড দেখিয়া চোখুত

আইসে মোর জল, বুড়া হইছোং মুই

যাবার নাগে বৃদ্ধাশ্রম।।

Facebook Comments

Leave a Reply / Comment / Feedback